पुणे : सिरम इन्स्टिट्यूट ऑफ इंडियाचे संस्थापक अध्यक्ष डॉ. सायरस पूनावाला यांना एशियन बिझनेस लीडरशिप फोरमतर्फे (एबीएलएफ) जीवनगौरव पुरस्काराने सन्मानित करण्यात आले. दुबईत आयोजित एका समारंभात डॉ. पूनावाला यांना हा पुरस्कार प्रदान करण्यात आला.
लसीकरणाच्या क्षेत्रातील अद्वितीय योगदानाबद्दल डॉ. पूनावाला यांना जून महिन्यात ऑक्सफर्ड विद्यापीठातर्फे प्रतिष्ठेची ‘डॉक्टर ऑफ सायन्स ऑनरिस कौसा’, तसेच मॅसॅच्युसेट्स विद्यापीठच्या वतीने गेल्या वर्षी ‘डॉक्टर ऑफ ह्युमेन लेटर्स’ ही मानद पदवी प्रदान करण्यात आली होती. १९६६मध्ये स्थापना झालेली सिरम इन्स्टिट्यूट ऑफ इंडिया ही देशातील आघाडीची बायोटेक कंपनी असून, जीवरक्षक प्रतिबंधक लसींचे उत्पादन करणारी जगातील सर्वांत मोठी कंपनी ठरली आहे.